دیگر زبانوں میں مواد

کردار

چیف سیکریٹری برائے ایڈمنسٹریشن

یکم جولائی 2002 کو اہم حکام کے لیے احتسابی نظام کے اطلاق کے ساتھ، فنانشل سیکریٹری، سیکریٹری فار جسٹس اینڈ ڈائریکٹرز آف بیورو کے ساتھ چیف سیکریٹری برائے ایڈمنسٹریشن کا شمار اہم حکومت حُکام میں ہوتا ہے۔ چیف سیکریٹری برائے ایڈمنسٹریشن ایگزیکیٹو کونسل کا رُکن ہوتا ہے اور اِس کا شمار ان اہم تین سرکردہ سرکاری حکام میں ہوتا ہے جو چیف ایگزیکیٹو کے اپنی ذمہ داریاں سرانجام دینے کے قابل نہ ہونے کی صورت میں مختصر عرصہ کے لیے یہ عہدہ سنبھال سکتے ہیں۔

چیف ایگزیکیٹو کی ہدایات کے مطابق، چیف سیکریٹری برائے ایڈمنسٹریشن بیوروز کی نگرانی کرنے میں اُس کی معاونت کرتا ہے، اور پالیسی سازی اور اس کے اطلاق میں ہم آہنگی کو یقینی بنانے کے لیے کلیدی کردار ادا کرتا ہے۔ یہ چیز خاص طور پر ان شعبہ جات میں اہمیت کی حامل ہے جس میں مختلف بیوروز شامل ہوتے ہیں۔ چیف سیکریٹری برائے ایڈمنسٹریشن، چیف ایگزیکیٹو کے پالیسی ایجنڈہ کے مخصوص ترجیحی شعبہ جات کا بھی احاطہ کرتا ہے اور لیجسلیٹو (قانون ساز) کونسل کے ساتھ قریبی اور زیادہ موثر ورکنگ ریلیشن شِپ قائم کرنے اور حکومت کے قانون سازی کے پروگرام تشکیل دینے کا ذمہ دار ہے۔ علاوہ ازیں، چیف سیکریٹری برائے ایڈمنسٹریشن وہ آئینی امور بھی سر انجام دیتا ہے جس کا اسے قانون نے اختیار دیا، جیسا کہ اپیلوں اور مخصوص سرکاری اداروں کو سنبھالنے سے متعلق۔ چیف سیکریٹری برائے ایڈمنسٹریشن آفس کا ایڈمنسٹریشن وِنگ مذکورہ بالا فرائض میں سے کچھ میں معاونت فراہم کرتا ہے۔

ڈپٹی چِیف سیکریٹری برائے ایڈمنسٹریشن

ڈپٹی چیف سیکریٹری برائے ایڈمنسٹریشن، چیف سیکریٹری برائے ایڈمنسٹریشن کے زیر انتظام 9 بیوروز کی نگرانی کرنے میں اُس کی معاونت کرتا ہے اور اس کے ساتھ ساتھ ان پالیسیوں کی تشکیل اور اطلاق میں بھی ربط قائم کرتا ہے جو مختلف بیوروز/محکمہ جات سے متعلقہ ہوتی ہیں۔ وہ چیف ایگزیکٹو اور/یا چیف سیکریٹری برائے ایڈمنسٹریشن کی ہدایات کے مطابق پالیسی سے متعلق مخصوص شعبہ جات یا منصوبہ جات کی منصوبہ بندی، ربط یا اُن کی ذمہ داری سنبھالتا ہے۔

ڈپٹی چیف سیکریٹری برائے ایڈمنسٹریشن، ایگزیکیٹو کونسل کا رکن ہوتا ہے۔ وہ لیجسلیٹو (قانون ساز) کونسل (LegCo) اور دیگر شراکت داروں سے بات کرتا اور ان کی رائے لیتا ہے، نیز LegCo، دیگر شراکت داروں، عوام کے ارکان اور میڈیا کو پالیسیوں کی وضاحت بھی کرتا ہے۔

ڈپٹی چیف سیکریٹری برائے ایڈمنسٹریشن ان متعلقہ قانونی فرائض کو سرانجام دیتا ہے جو اُسے چیف ایگزیکیٹو اور/یا چیف سیکریٹری برائے ایڈمنسٹریشن یا پھر قانونی طور پر تفویض کیے گئے ہوتے ہیں۔

چیف سیکریٹری برائے ایڈمنسٹریشن کے ڈیوٹی دورہ یا چھٹی پر ہونے کی صورت میں، ڈپٹی چیف سیکریٹری برائے ایڈمنسٹریشن اُس کی عدم موجودگی میں اُس کے فرائض سرانجام دیتا ہے۔

تنظیم/ادارہ کا چارٹ

سوانح حیات

Mr Chan Kwok-ki, GBS, IDSM, JP
چیف سیکریٹری برائے ایڈمنسٹریشن

Mr Chan نے 1982 میں بطور اسسٹنٹ امیگریشن آفیسر، محکمہ امیگریشن میں شمولیت اختیار کی۔ 2007 میں اُسے اسسٹنٹ ڈائریکٹر برائے امیگریشن ترقی دی گئی، جب کہ 2010 میں آپ ڈپٹی ڈائریکٹر امیگریشن کے عہدہ پر پہنچے۔ 2011 تا 2016 آپ کا ڈائریکٹر آف امیگریشن کے طور پر تقرر کیا گیا۔

جولائی 2017 تا جون 2022، Mr Chan چیف ایگزیکیٹو آفس کے ڈائریکٹر رہے۔

Mr Cheuk Wing-hing, GBS, JP
ڈپٹی چیف سیکریٹری برائے ایڈمنسٹریشن

Mr Cheuk نے 1981 میں سول سروس میں بطور پولیس انسپکٹر شمولیت اختیار کی، اور 1984 میں آپ ایڈمنسٹریٹو آفیسر بن گئے۔ 2017 میں آپ ایڈمنسٹریٹو آفیسر سٹاف گریڈ A1 کے عہدہ پر پہنچے اور 2019 میں پرماننٹ سیکریٹری برائے اختراع و ٹیکنالوجی کے طور پر سبکدوش ہوئے۔

Mr Cheuk نے حکومت اور ہانگ کانگ کے عوام کی 40 سال سے زائد عرصہ کے لیے خدمت کی۔ خاص طور پر آپ نے خوراک و ماحولیات کی صفائی، مزدوروں کے معاملات کے انتظام میں اور اختراع و ٹیکنالوجی میں ترقی کے حوالے سے اہم کردار ادا کیا۔

اپنی ریٹائرمنٹ کے بعد، Mr Cheuk کی مختلف عہدہ جات بشمول 2019 ایڈمنسٹریٹو آفیسر ریکروٹمنٹ بورڈ، ڈائریکٹر آف ڈائیلاگ آفس، ڈائریکٹر آف COVID-19 ویکسینیشن پروگرام اور مشیر برائے فنانشنل سیکریٹری پرائیویٹ آفس کے لیے تقرری ہوئی۔